Plantun de Prouvènço

Pèr coumpara dos planto d'encò nostre

Trifolium pallescens & Cerastium fontanum

Trifolium pallescens

Fabaceae Leguminosae

Noms en français : Trèfle pâle, Trèfle pâlissant.

Descripcioun :
Aquéu treulet que reballo au sòu, trachis en mountagno dins li pelouso bèn au soulèu. A quàsi pas de péu (quàuquis un sus lou pecou e lou "calice" de la flour). L'enflourejado, roso palinello, fai de 15 à 25 mm, èi pourtado pèr un pecou bèn mai long que la fueio proche, alor que la flour fai de 6 à 12 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Trifolium
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) enflourejado : 1 à 2 cm
Flourido : Estiéu

Sòu : Ca
Autour basso e auto : 1600 à 2700 m
Aparado : Noun
Juliet à setèmbre

Liò : Pelouso - Roucas
Estànci : Subaupen à Aupen
Couroulougi : Ouroufito-Sud-Éuropo
Ref. sc. : Trifolium pallescens Schreb., 1804

Ceraiste(-di-font)

Cerastium fontanum

Caryophyllaceae

Nom en français : Céraiste des fontaines.

Descripcioun :
Es uno planto pelouso emé de long entre-nous. Li fueio soun bèn verdo, pulèu larjo e pelouso peréu. Pòu viéure uno annado, dos o mai. Li petalo soun gaire mai long que li sepalo, aquésti soun bourda d'uno membrano que laisso passa lou lume. Coumpara emé lis àutri ceraiste pelous pèr pas s'engana. I'a uno souleto subsp. encò nostre : la subsp. vulgare.

Usanço :
Li jóuini fueio soun manjadisso, mai couneissèn pas d'usanço particuliero au nostre. Lis indian Chirokee emplegavon uno tisano de tijo e racino contro li vèrme.